go messo el gransio come mio distintivo parchè
co gero toso e'ndavo a sciar (e prime volte)

i me amissi me diseva che parevo un gransio

e i ga cominsià a ciamarme cussì e mi me so afessionà a sto nome e avendo trovà un disegnetto grassioso go pensà de metarlo sul me indirisso. E adesso deme pur de mona!!!

se permetè ve fasso lesar una de le mie prime poesie scrita pensando a me fradeo piu grando che gera emigrà in brasil:

In sudamerica

Ani che passa , ‘na vita consumada

A”darghe dentro” quindes’ore al giorno

Co la speranza, un dì, de far ritorno

Da la me zente, a la mia vecia casa.

Tera straniera , tanto desiada,

A vinti ani, quando el campieleto

Indove che i me veci ghe abitava,

no me bastava piu, me stava streto

e l’o lassa cussì, par andar via,

a conquistar el mondo, la richessa

senza saver cossa vol dir tristessa,

cossa vol dir morir de nostalgia

sia maledetto el dì che t’ho lassada,

venessia mia, sensa scoltar consegio

se fussi morto la, saria sta megio

che strassinar la vita in sta contrada

america del sud tera fragrante

de aromi strani de sol e de profumi

immensità de monti, laghi e fiumi

sinfonia de colori inebriante

odio la to natura prorompente

odio l’azzuro intenso del to çielo

parchè nel cuor go venessia, la me zente,

e ne la mente, sempre, el me campielo

Francesco (12 settembre 1979)

sfogatoio

go tentà almanco sete -oto volte par farme un blog, e questa ,spero,che la sia l'ultima parchè no ghe ne posso più!
e adesso cucheve sta poesia in dialeto:

Un giorno a rialto

Un giorno a rialto in mezo al marcà

‘na bela signora nel fior de l’età

Passandome a rente che cossa la fa?

Un per de fiipe la ga scaricà

:”madona che spussa” La zente diseva

E po i me vardava!

Amissi ve giuro che gero inoçente

Ghe vol del coraggio

In mezo a la zente

Voria insegnarghe cussì par trastulo

Un uso coretto del buso del culo

Francesco 29 dic.2004 ore 18.57